Adiós a "la diva de los pies descalzos"

25 j

'Pero nun xubió a les estrelles, si a la tierra pertenecía...'

"La muerte ye un procesu natural, cuando me llegue voi entrar na nada y voi eslleir nella".

José Saramago

Yá fuelga na suya Lisboa, en tierra de Lanzarote so un olivu d'Azinhaga.

El gallegu y el portugués

25 d'abril

14 d'abril

80 aniversariu de la Proclamación de la "República catalana a la espera que los otros pueblos d'España constitúyanse como Repúbliques, pa formar la Confederación Ibérica."
(Francesc Macià, 14 d'abril de 1931).

Mario Soares: España y Portugal nel contestu européu

Portugal y España, una vegada lliberaos de les dictadures a les que durante décades dambos países tuvieron sometíos, roblaron el mesmu día -el 12 de xunu de 1985-, en Lisboa y Madrid respectivamente, la so adhesión a la entós llamada CEE. Fixeronlo, tres llargues negociaciones, por razones d'orde políticu, de primeres, y d'orde económicu amás. Pa consolidar les sos nueves democracies y asegurase un más rápidu desenvolvimientu económicu y social.

Venticinco años dempués d'aquella fecha histórica, creo poder asegurar qu'una apolmonante mayoría de la población d'España y de Portugal nun ta penada n'absolutu. Tou lo contrario. Los tresformamientos de los dos Estaos ibéricos y de les sos sociedaes civiles fueron altamente positives, en tolos ámbitos. Sumieron les fronteres ente los nuesos dos países, les relaciones ente los dos Estaos y gobiernos tuvieron marcaes por una total enfotu mutua y amistá, sumámonos a la moneda única -l'euru-, participamos dambos na Comunidá Iberoamericana y caltuvimos posiciones converxentes n'asuntos europeos.

Con tou, la Unión Europea camudó enforma, como'l restu del mundu. Y, por desgracia, non siempres pa meyor. El colapsu de l'universu comunista llevó a l'ampliación de la Unión, escontra l'este, y a la unificación de los dos Alemañas. De 12 Estaos miembros -cuando xuntamos nós- pasemos a 27: 17 d'ellos pertenecen a la zona euru y 10 nun se sumaron a la moneda única, anque seique haya que dicir más bien nueve, cuidao que Polonia tópase en negociaciones -con significatives avances, paez ser dica agora- pa integrase tamién na zona euru.

L'ampliación, políticamente importante y arrogante, sirvió tamién de xustificación por que la Unión, creada col Tratáu de Maastricht en 1992, paralizara'l so progresu institucional y subvirtiera, pasu ente pasu, dellos principios fundamentales del proyectu de los llamaos Países Fundadores. Por citar dellos exemplos: la igualdá y la solidaridá ente tolos Estaos miembros sumieron; güei tán toos más o menos apoderaos pola Alemaña de la canciller Merkel, qu'escaeció lo qu'Alemaña debe a la Comunidá Europea y considérase agora la dueña d'Europa, sofitada pol so servicial aliáu, el presidente Sarkozy; hai un predominiu de la economía -y de les finances, sobremanera- percima de la política, o n'otres palabres, un predominiu del Bancu Central Européu y de los bancos alemanes, anque non puramente; producióse la paralización d'una Europa ciudadana y de una Europa política, de tipu federal, etcétera.

Asocede amás que la Unión Europea, sumando les sos 27 Estaos miembros, ta gobernada nestos momentos por 24 partíos conservadores y ultraconservadores y apenes por trés partíos socialistes, en Grecia, España y Portugal (este con un gobiernu dimisionario, a la espera d'elecciones). Solo trés -démonos cuenta- y toos de la llamada Europa del Sur. Que'l so peso n'Europa y nel mundu -convengamos- básase, más que nel dineru, na hestoria y no que representen: Grecia, a quien debemos la democracia, la filosofía y la ciencia; España y Portugal qu'espublizaron la civilización europea pel anchu mundu qu'afayaron, y que se traxeron de regresu a Europa una meyor conocencia del planeta. Nun son coses de mal pelo, pero, claro, los economistes, como solo ven el dineru, escaecen el restu. Y seique por eso s'engañen tan de cutiu... Los trés Estaos citaos podríen habese plantáu ante les esixencies d'una Alemaña que los llanzaba escontra una recesión inaceptable. Pero nun tuvieron valor pa faelo.

La crisis financiero y económico que güei s'ablaya sobre'l mundu -y que ta llueñe de ser superada- entá nun foi entendida bien poles instancies que rixen la Unión. Como suel dicise, "nun hai peor ciegu qu'el que nun quier ver". Los líderes de la Unión neganse a aceptar que'l neolliberalismu, como ideoloxía, ta escosu, como fai 20 años asocedió-y al comunismu. Por eso, neganse a considerar el peligru de la recesión, a dase cuenta de que, amás del amenorgamientu del déficit, ye necesariu, de la mesma forma, procurar amenorgar el desempléu, les terribles desigualdaes sociales de les nueses sociedaes y buscar un nuevu paradigma de desenvolvimientu.

Si nun asocede asina, la crisis va llevar a rotures que pueden ser violentes y peligroses. Vease l'exemplu de la manifestación que va díes tuvo llugar en Londres, que movilizó a 500.000 manifestantes, dalgunos de los cualos amosáronse bien agresivos. Como antes asocediera en Grecia, Bélxica, Francia, Italia y n'otros países. Si Europa nun percibe'l descontentu que reina -perdayures- contra los gobiernos nacionales y les instituciones europees y la distancia que los dixebra de los sos pueblos, ye induldable qu'emponemos escontra la decadencia de la Unión Europea, nun mundu en tresformamientu, y escontra el so posible disgregación. Una traxedia que correspuende a los ciudadanos evitar. Porque nes democracies ye por aciu los votos como s'escueye a los gobiernos. Y si los gobiernos son malos, n'últimu analís, la responsabilidá pertenez a los ciudadanos, que pueden baltalos gracies al sufraxu popular.

(artículu publicau n' El País)

¡Andaluces, levantaos!
¡Pedid tierra y libertad!
¡Sea por Andalucía libre,
Iberia y la Humanidad!

Teófilo Braga y la construcción ibérica

Teófilo Braga, presidente que foi del gobiernu provisional de la República de Portugal, escribía antes de proclamase la República nel so país, a cuenta de una posible unión d'España y Portugal:

"Si la República na Península hispánica quier tener un destín firme y progresivo va tener que siguir los enclinos separatistes, que son inmortales, cola forma disciplinada d'un pactu federativu, reconstituyendo l'autonomía d'estos pequeños Estaos de la Edá Media. Cuando la República estremaría España nos Estaos autónomos de Galicia Asturies, Vizcaya, Navarra, Cataluña, Aragón, Valencia, Murcia, Granada, Andalucía, Estremadura, Castiella la Nueva, Castiella la Vieya y Llión, entós solamente Portugal va poder constituyir con ella una Federación, teniendo asegurada la so independencia contra toa anexón ibérica entós solamente va poder constituyir, ensin torgues, el Pactu Federal de los Estaos llibres peninsulares ya ibéricos. Lo contrario ye un absurdu, una violencia, que nun se fadrá ensin vertir sangre, y que'l so resultancia veríase destruyíu poco tiempu dempués, como lo foi en 1640."

Y dirixiéndose a los republicanos españoles, Teófilo Braga añedía:

"El réxime republicanu mientres los dos países se gobiernen por sigo mesmos, nun puede, ensin viciar la so esencia, atacar el principiu de les autonomíes nacionales. Gracies a la República, España va ser desafiada, d'esti unitarismo políticu que la afuega; una nueva cazumbre va circular ente les distintes partes que componen esti país; les sos enerxíes heróiques, les sos capacidaes artístiques y científiques van atopar un nuevu aliciente. Lo mesmo Portugal, atrofiáu por sesenta años d'un lliberalismu bastardu, va ver surdir nel réxime republicanu los sos nuevos homes que van tener conciencia d'enllenar una misión social. Los dos países confederaos van formar una potencia europea, verdaderu puntu de sofitu de la Confederación Llatina o occidental, la Federación Ibérica, teniendo como propósitu una acción común, va tener una gran influencia internacional sol triple puntu de vista científicu, económicu y xurídicu.

Ye un fechu indiscutible que mientres los últimos trenta años, el movimientu de secesión en Cataluña —el Portugal del Este— tomó gran medría. Paecía que cola República, esti separatismu latente quedaría esmorecíu, una y bones la República cabía esperar que fuera federal. Mas la non alteración de les bases del Estáu dio, otra manera, nueves brengues al separatismu catalán. Sería risible pretender qu'esti movimientu ye artificial. Non. Respuende a una realidá histórica. El separatismu ye la respuesta qu'embaxo se da al Estáu cesarista, al Estáu unitariu y xendarme. Les razones que va trés sieglos determinaron la separación de Portugal y l'insurrección de Cataluña van faer que mañana, si la política española nun sufre un tresformamientu radical, Cataluña dixébrese y dempués Vasconia, Galicia, les Baleares...
La nación respuende a un procesu históricu necesariu. Primero que el mundu faiga la so unidá definitiva, primero que suman dafechu les fronteres gran idea socialista—, la nación ye un pasu, una parte d'esi grandiosu movimientu d'integración nel espaciu y nel tiempu. Pero lo que nun tien razón de ser, lo que se funde inevitablemente nun momentu de crisis, ye toa estructuración artificial opuesta al aldu progresivu de la Hestoria. Desfíxose l'Imperiu austru-húngaru; quedó estazáu pola guerra porque ellí tamién, como n'España, l'Estáu faía imposible la llibre coordinación nacional. A España que, d'últimes ye lo que queda d'un vieyu imperiu, ta-y acutáu un fin asemeyáu, siguiendo'l procesu d'esbarrumbamientu, si nun s'esmagaya l'Estáu pa faer sobre les sos ruines una estructuración enfocada escontra alantre y non escontra tras, como asocede agora.
L'aspiración d'un español revolucionariu nun hai de ser qu'un día, quiciabes non alloñáu, siguiendo'l so impulsu actual, la Península Ibérica quede convertida nun mosaicu balcánicu en rivalidaes y lluches armaes fomentaes pol imperialismu estranxeru, sinón que, otra manera, tien de tender a buscar la llibre y bonal reincoproración de Portugal a la gran unidá ibérica”…

Portugal, tan llueñe

Esti domingu va faer yá dos selmanes de les elecciones a la presidencia de la República de Portugal y puede dicise que, ente nós, el so ecu pasó cola mesma rapidez ya indiferencia que si se trató de Guinea-Conakry, Vanuatu o Belize. Siempres me sosprendió y disgustó esti desinterés catalán per Portugal, país col que tantes coses tenemos de mancomún, nel pasáu y nel presente. Xuníos a España pel costazu, fachada atlántica y mediterránea de la península ibérica, respectivamente, unos y otros yá va tiempu que tendríamos de faer una alianza d'intereses, yá que a toos conviennos una península multipolar y non radial, con see central en Madrid. Conviennos na economía, el tresporte, la cultura y la política.

Ello ye que puede dicise que Portugal nos debe una. Somorguiaos dambos, en 1640, nuna guerra contra Castiella, ellos consiguiéronse desentemangar y proclamase independientes, al tener el gruesu de les tropes enemigues centraes en Catalunya. Falábamos d'ello, nuna cena memorable, delantre del ríu Tayo, en Lisboa, con Mário Soares y Manuel Allegre. Esti postreru, candidatu de la esquierda a la presidencia de Portugal y bon conocedor de la poesía catalana, ye un destacadísimo poeta, novelista, vicepresidente del Parlamentu y autor del preámbulu de la constitución del so país, onde'l primer valor al que se fai referencia ye la independencia nacional". Yá dende la dómina de la so activísimo esiliu n'Arxelia, xunió siempres los planteamientos d'esquierdes cola defensa de la identidá nacional, ensin nengún tipu de complexu.

La iniciativa privada catalana yá va tiempu que tien en Portugal un pesu notable, ente que, otra manera, les relaciones polítiques ente partíos instituciones son, ello ye que prácticamente inesistentes y les culturales son mínimes. Ye una llástima qu'asina sía y que nun podamos beneficianos d'unos fluxos de relaciones que tan positivos seríen nel ámbitu cultural, pa les nueses llingües, y económicu, pensando sobremanera nel mercáu tan interesante que configuren los países de llingua portuguesa. Y, lóxicamente, tamién na política.

(artículu publicáu en NacióDigital.com)